रत्नागिरी : समाजातील उपेक्षित आणि वंचित घटकांना आधार देण्याच्या उद्देशाने कार्यरत असलेल्या फिनोलेक्स इंडस्ट्रीज लिमिटेड आणि मुकुल माधव फाउंडेशनने प्राणी कल्याणाच्या क्षेत्रात आणखी एक पाऊल पुढे टाकले आहे.
रत्नागिरी येथील सोमेश्वर शांतीपीठ गोशाळेला आर्थिक आणि सामग्रीच्या स्वरूपात मदत करून या संस्थांनी सामाजिक जबाबदारीचे एक उदाहरण प्रस्थापित केले आहे.
मानव आणि प्राणी यांच्या कल्याणासाठी सातत्याने प्रयत्नशील असलेल्या या संस्थांनी यापूर्वीही पुण्यात 600 हून अधिक गायींना चारा व निवारा, कोविड काळात 450 हून अधिक घोड्यांच्या मालकांना खाद्य, गुजरातमध्ये मकरसंक्रांतीदरम्यान पतंगांमुळे जखमी झालेल्या पक्ष्यांवर उपचार आणि 12,000 हून अधिक ऑलिव्ह रिडले कासवांच्या अंड्यांचे संवर्धन असे विविध उपक्रम राबवले आहेत. या सर्व कार्यांमधून त्यांचा पर्यावरण आणि समाजाप्रती असलेला संवेदनशील दृष्टिकोन दिसून येतो.
प्राणी कल्याणकारी संस्था पीपल फॉर ऍनिमल्सच्या आवाहनाला सकारात्मक प्रतिसाद देत, फिनोलेक्स इंडस्ट्रीज लिमिटेड आणि मुकुल माधव फाउंडेशनने सोमेश्वर शांतीपीठ गोशाळेसोबत एक करार केला आहे.
या करारानुसार, गोशाळेतील 67 गायींसाठी दरमहा चारा आणि पशुखाद्याची व्यवस्था केली जाणार आहे. या उपक्रमामुळे गोशाळेवर येणारा दैनंदिन चाऱ्याचा आर्थिक ताण कमी होणार असून, गायींना नियमित आणि पौष्टिक आहार मिळेल.
यामुळे त्यांचे आरोग्य सुधारेल आणि त्या निरोगी राहतील. निरोगी गायी स्थानिक परिसंस्थेला आणि समुदायाला अनेक प्रकारे लाभ देतात, जसे की दुग्धोत्पादन, सेंद्रिय खत निर्मिती आणि ग्रामीण अर्थव्यवस्थेला चालना देणे.
या उपक्रमाचा एक महत्त्वाचा टप्पा म्हणून, दिनांक 6 सप्टेंबर 2025 रोजी सोमेश्वर शांतीपीठ गोशाळेत चारा आणि पशुखाद्याचे वाटप करण्यात आले.
या वितरण कार्यक्रमास गोशाळेचे प्रतिनिधी राजेंद्र आयरे, अनुजा पेटकर, विनोद पेटकर, स्नेहल वैशंपायम, राकेश वाघ आणि तेंडुलकर उपस्थित होते.
तसेच, फिनोलेक्स इंडस्ट्रीज लिमिटेड आणि मुकुल माधव फाउंडेशनचे रामबाबू सांका, सत्यब्रत नायक, नरेश खेर आणि अभिषेक साळवी यांनीही या कार्यक्रमात सहभाग घेतला.
या कार्यक्रमाने गोशाळेच्या कार्याला बळ मिळाले असून, स्थानिक समुदायामध्येही सकारात्मक संदेश पोहोचला आहे.
फिनोलेक्स इंडस्ट्रीज लिमिटेड आणि मुकुल माधव फाउंडेशन हे समाजोपयोगी कार्यात नेहमीच अग्रेसर राहिले आहेत. प्राणी संरक्षण, पर्यावरण संवर्धन आणि समुदाय विकासासाठी त्यांचे योगदान प्रेरणादायी आहे.
या उपक्रमाद्वारे त्यांनी पुन्हा एकदा जीवन पोषणाऱ्या आणि समुदायांना सक्षम करणाऱ्या कार्याप्रती आपली बांधिलकी दाखवली आहे. अशा प्रयत्नांमुळे समाजात सकारात्मक बदल घडवून आणण्यास मदत होत असून, इतर संस्थांसाठीही हा एक आदर्श आहे.