दापोली: सह्याद्री शिक्षण संस्था, सावर्डे संचलित न्यू इंग्लिश स्कूल अँड ज्युनिअर कॉलेज, टाळसुरे येथील विद्यार्थी आदित्य राऊत याने लांब उडी या क्रीडा प्रकारात जिल्हास्तरीय स्पर्धेत प्रथम क्रमांक पटकावला आहे.
या यशस्वी कामगिरीमुळे त्याची पुणे येथे होणाऱ्या राज्यस्तरीय क्रीडा स्पर्धेसाठी निवड झाली आहे. रत्नागिरी जिल्ह्याचे प्रतिनिधित्व करण्याची संधी मिळवणाऱ्या आदित्यच्या या यशाने टाळसुरे गावासह संपूर्ण शाळेचे नाव उज्ज्वल झाले आहे.
रत्नागिरी डिस्ट्रिक्ट एथलेटिक्स अमेच्युअर असोसिएशनच्या वतीने आयोजित रत्नागिरी डिस्ट्रिक्ट अथलेटिक्स चॅम्पियनशिप 2025 या स्पर्धा डेरवण येथे नुकत्याच पार पडल्या. या जिल्हास्तरीय स्पर्धेत आदित्य राऊत याने लांब उडी या क्रीडा प्रकारात उत्कृष्ट कामगिरी करत प्रथम क्रमांक मिळवला.
त्याच्या या यशामुळे त्याला पुणे येथील राज्यस्तरीय स्पर्धेत रत्नागिरी जिल्ह्याचे प्रतिनिधित्व करण्याची संधी प्राप्त झाली आहे.
ही स्पर्धा त्याच्यासाठी मोठी संधी ठरणार असून, त्याला आपली प्रतिभा मोठ्या व्यासपीठावर सिद्ध करण्याची संधी मिळणार आहे.
आदित्यच्या या यशाबद्दल सह्याद्री शिक्षण संस्थेचे कार्याध्यक्ष आमदार शेखर निकम, सचिव महेश महाडिक, संचालक शांताराम खानविलकर, शालेय समितीचे अध्यक्ष जयवंत जालगावकर, सदस्य अशोक जाधव, आप्पा खोत, मुख्याध्यापक संदेश राऊत तसेच मार्गदर्शक शिक्षक यांनी त्याचे हार्दिक अभिनंदन केले आहे.
त्यांनी आदित्यला पुढील वाटचालीसाठी शुभेच्छा देत त्याच्या उज्ज्वल भविष्यासाठी प्रोत्साहन दिले आहे.
आदित्यच्या या यशामुळे शाळेतील विद्यार्थ्यांमध्ये क्रीडा क्षेत्रात उत्कृष्ट कामगिरी करण्याची प्रेरणा निर्माण झाली आहे.
आदित्यने आपल्या मेहनतीने आणि समर्पणाने हे यश मिळवले असून, त्याच्या या कामगिरीने शाळेच्या क्रीडा क्षेत्रातील परंपरेला आणखी बळकटी मिळाली आहे.
राज्यस्तरीय स्पर्धेतही तो असाच उत्कृष्ट खेळ दाखवेल, असा विश्वास शाळा व्यवस्थापन आणि शिक्षकांनी व्यक्त केला आहे.
आदित्यच्या या यशाने टाळसुरे गावातील तरुण खेळाडूंना प्रोत्साहन मिळेल आणि भविष्यात अनेक विद्यार्थी क्रीडा क्षेत्रात आपले नाव कमावतील, अशी आशा व्यक्त केली जात आहे.