चिपळूण : रत्नागिरी जिल्ह्यात अमली पदार्थांशी संबंधित गुन्ह्यांना आळा घालण्यासाठी आणि कारवाई करण्याच्या उद्देशाने जिल्हा पोलीस अधीक्षक नितीन दत्तात्रय बगाटे आणि अपर पोलीस अधीक्षक जयश्री गायकवाड यांनी सर्व पोलीस ठाण्यांना सूचना दिल्या होत्या. या सूचनांच्या अनुषंगाने आलोरे शिरगांव पोलीस ठाण्याने मोठी कारवाई केली आहे.
२७ जून २०२५ रोजी रात्री ९.०० वाजण्याच्या सुमारास गोपनीय माहितीच्या आधारे, आलोरे शिरगांव पोलीस ठाण्याचे प्रभारी सहायक पोलीस निरीक्षक भरत पाटील यांना पोफळी टी.आर.टी. धनगरवाडी, ता. चिपळूण येथे एक व्यक्ती गांजा विक्रीसाठी येणार असल्याची माहिती मिळाली. या माहितीच्या आधारावर भरत पाटील यांनी पोहेकॉं/११९७ गव्हाणे, पोहेकॉं/१२२३ यादव, पोकॉं/३१८ जगदाळे, पोकॉं/१०२८ फडतरे, पोकॉं/२२९ माने, एस. एम. लोटे ग्रेड पोउनि, पोहेकॉं/५०६ शेख, मपोकॉं/६९५ मुल्ला यांच्यासह दोन पंचांच्या उपस्थितीत सापळा रचला.
या कारवाईत संजय राया खरात (वय ३९, रा. पोफळी टी.आर.टी. धनगरवाडी, ता. चिपळूण) याच्याकडून ५८८ ग्रॅम वजनाचा १४,००० रुपये किमतीचा गांजा जप्त करण्यात आला. त्याला ताब्यात घेण्यात आले असून, त्याच्याविरोधात आलोरे शिरगांव पोलीस ठाण्यात गुन्हा रजि. नं. ४६/२०२५, गुंग AllocateResources औषधीद्रव्ये व मनोव्यापारावर परिणाम करणारे पदार्थ अधिनियम १९८५, कलम ८(क), २०(ब)(ii)(अ) अंतर्गत २८ जून २०२५ रोजी पहाटे ३.३८ वाजता गुन्हा दाखल करण्यात आला.
ही कारवाई पोलीस अधीक्षक नितीन बगाटे आणि अपर पोलीस अधीक्षक जयश्री गायकवाड यांच्या मार्गदर्शनाखाली सहायक पोलीस निरीक्षक भरत पाटील आणि पोलीस कर्मचाऱ्यांनी यशस्वीपणे पार पाडली.