दापोली : शहरातील पोस्टआळी परिसरात समाजसुधारक आणि स्वच्छतादूत संत गाडगेबाबा यांच्या 149 व्या जयंतीचे आयोजन करण्यात आले होते.
या कार्यक्रमात समाजातील सर्व स्तरातील नागरिक सहभागी झाले होते.
कार्यक्रमाची सुरुवात संत गाडगेबाबा यांच्या प्रतिमेला पुष्पहार अर्पण करून करण्यात आली.
यावेळी उपस्थित जनसमुदायाने ‘गोपाला गोपाला देवकीनंदन गोपाला’ या भजनाचा जयघोष केला, ज्यामुळे वातावरण भक्तिमय झालं होतं.
या कार्यक्रमात जिल्हा संघटक सुयोग घाग, जिल्हा ज्येष्ठ सल्लागार श्रीकृष्ण शिंदे, तालुकाध्यक्ष प्रथमेश दुर्गावळे, प्रकाश केळसकर, प्रमोद पांगारकर याव्यतिरिक्त, दापोलीतील अनेक समाजबांधव आणि भगिनी या कार्यक्रमात सहभागी झाले होते.
संत गाडगेबाबा यांचे कार्य:
संत गाडगेबाबा हे एक महान समाजसुधारक आणि स्वच्छतादूत होते.
त्यांनी आपले संपूर्ण आयुष्य समाजाच्या उन्नतीसाठी समर्पित केले.
स्वच्छता, शिक्षण आणि सामाजिक समता यांचा त्यांनी आयुष्यभर प्रसार केला.
त्यांचे विचार आजही समाजाला प्रेरणा देतात.