शनिवार, २१ नोव्हेंबर २०२६ f ◎ 𝕏 ▶

राज्याचे उपमुख्यमंत्री अजित पवार यांचे बारामती येथे विमान अपघातात निधन; महाराष्ट्रावर शोककळा

राज्याचे उपमुख्यमंत्री अजित पवार यांचे बारामती येथे विमान अपघातात निधन; महाराष्ट्रावर शोककळा

बारामती/मुंबई : महाराष्ट्र राजकारणातील एक अत्यंत खळबळजनक आणि दुःखद घटना आज सकाळी समोर आली आहे. राज्याचे उपमुख्यमंत्री आणि राष्ट्रवादी काँग्रेस पक्षाचे (अजित पवार गट) राष्ट्रीय अध्यक्ष अजित पवार यांच्या विमानाला बारामती विमानतळावर लँडिंग दरम्यान भीषण अपघात झाला. या भीषण दुर्घटनेत अजित पवारांसह विमानात असलेल्या सर्व ६ जणांचा जागीच मृत्यू झाला असल्याची अधिकृत माहिती नागरी विमान वाहतूक महासंचालनालयाने (DGCA) दिली आहे.

मिळालेल्या माहितीनुसार, अजित पवार हे आज सकाळी मुंबईहून बारामतीकडे आगामी जिल्हा परिषद आणि पंचायत समिती निवडणुकांच्या प्रचारासाठी निघाले होते. बारामतीत त्यांच्या आज सुपे जिल्हा परिषद गटासह एकूण चार जाहीर सभा होणार होत्या. सकाळी ८:४५ च्या सुमारास त्यांचे ‘लीअरजेट ४५’ (Learjet 45, VT-SSK) हे विमान बारामती विमानतळावर उतरत असताना तांत्रिक बिघाड झाला. विमान धावपट्टीवर उतरण्यापूर्वीच त्याचे संतुलन बिघडले आणि ते जवळच्या एका शेतात कोसळले.

कोसळताच विमानाने पेट घेतला आणि काही क्षणातच विमानाचा चक्काचूर झाला. या दुर्घटनेत अजित पवार (६६ वर्षे), त्यांचे एक अंगरक्षक (PSO), एक स्वीय सहाय्यक (Attendant) आणि दोन वैमानिकांचा मृत्यू झाला आहे.

घटनेची माहिती मिळताच स्थानिक नागरिकांनी आणि प्रशासनाने घटनास्थळी धाव घेतली, मात्र विमान जळून खाक झाल्याने कोणालाही वाचवता आले नाही.

या घटनेमुळे संपूर्ण महाराष्ट्रात आणि विशेषतः बारामतीमध्ये तणावपूर्ण शांतता पसरली आहे. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी या घटनेबद्दल तीव्र दुःख व्यक्त केले असून, अजित पवार यांच्या निधनाने राज्याच्या राजकारणातील एक कणखर नेतृत्व हरपल्याची भावना व्यक्त केली आहे. बारामती खासदार सुप्रिया सुळे, सुनेत्रा पवार आणि पार्थ पवार तातडीने बारामतीकडे रवाना झाले आहेत.

ajit pawar, aviation accident, Baramati, breaking news, Deputy CM, DGCA, Election Campaign, Learjet 45, Maharashtra Politics, my kokan, ncp, plane crash, Pune News

माय कोकण टीम

Similar Posts

View All

Leave a Reply

Your email address will not be published. Required fields are marked *