दापोली : मुस्लिम एज्युकेशन सोसायटी संचलित यू. ए. दळवी इंग्लिश मीडियम हायस्कूलने दहावीच्या परीक्षेत देदीप्यमान यश संपादन करत १०० टक्के निकालाची परंपरा कायम राखली आहे. या शाळेतील एकूण १०६ विद्यार्थी परीक्षेस बसले होते आणि सर्वच्या सर्व विद्यार्थी उत्तीर्ण झाले आहेत.
शाळेच्या गुणवंत विद्यार्थ्यांमध्ये आयशा मन्सूर खान हिने ९१.६० टक्के गुण मिळवून प्रथम क्रमांक पटकावला आहे. मेहविश बशीर कादरी ९०.८० टक्क्यांसह द्वितीय, तर माहेक इरफान चौगुले ९०.६० टक्के गुण मिळवून तृतीय क्रमांकाची मानकरी ठरली आहे.
निकालाचे सविस्तर विश्लेषण केल्यास, २७ विद्यार्थ्यांनी विशेष श्रेणी (Distinction) प्राप्त केली आहे. ३५ विद्यार्थी प्रथम श्रेणीत, ३९ विद्यार्थी द्वितीय श्रेणीत तर ५ विद्यार्थी उत्तीर्ण श्रेणीत यशस्वी झाले आहेत. “शिक्षणाची मुळे कडू असतात, पण फळ गोड असते,” या उक्तीप्रमाणे विद्यार्थ्यांनी आपल्या कष्टाच्या जोरावर हे यश मिळवले आहे.
या यशाबद्दल अध्यक्ष नझीर पठाण, सचिव मोहम्मद इक्बाल पारकर, कौन्सिल चेअरमन लियाकत राखांगे, शाळा समिती अध्यक्ष खालीद राखांगे आणि मुख्याध्यापिका नुझहत राखांगे यांनी विद्यार्थ्यांचे व शिक्षकांचे अभिनंदन केले आहे. शून्य टक्के अनुत्तीर्ण प्रमाण राखत शाळेने आपला दर्जा पुन्हा एकदा सिद्ध केला आहे.