रविवार, २२ नोव्हेंबर २०२६ f ◎ 𝕏 ▶

पद्मश्री भिकू रामजी इदाते यांच्या प्रमुख उपस्थितीत केरळमध्ये विमुक्त-घुमंतू जनजाती परिषद

पद्मश्री भिकू रामजी इदाते यांच्या प्रमुख उपस्थितीत केरळमध्ये विमुक्त-घुमंतू जनजाती परिषद

तिरुवनंतपुरम: अखिल भारतीय विमुक्त आणि घुमंतू जनजाती विकास परिषदेच्या (AIDNTDC) वतीने २ एप्रिल २०२६ रोजी केरळ राज्यस्तरीय परिषदेचे आयोजन करण्यात आले आहे.

वझुथकाड येथील फ्रीमेसन्स हॉलमध्ये होणाऱ्या या कार्यक्रमाचे उद्घाटन विमुक्त जमाती आयोगाचे (NCDNT) माजी अध्यक्ष आणि प्रसिद्ध समाजसेवक पद्मश्री भिकू रामजी इदाते (दादा) यांच्या हस्ते संपन्न होणार आहे.

आयुष्यभर विमुक्त आणि घुमंतू समाजाच्या हक्कासाठी लढा देणाऱ्या इदाते यांच्या उपस्थितीमुळे या परिषदेला विशेष महत्त्व प्राप्त झाले आहे.

भारत सरकारच्या विमुक्त जमाती आयोगाचे अध्यक्ष म्हणून काम करताना भिकू रामजी इदाते यांनी देशभरातील भटक्या जमातींच्या सामाजिक आणि आर्थिक स्थितीत सुधारणा करण्यासाठी ऐतिहासिक योगदान दिले आहे.

त्यांच्या मार्गदर्शनाखाली होणाऱ्या या परिषदेत केरळचे राज्यपाल राजेंद्र विश्वनाथ आर्लेकर मुख्य अतिथी म्हणून उपस्थित राहणार आहेत.

याप्रसंगी राष्ट्रीय सरचिटणीस अनिल देविदास फड यांचे बीजभाषण होणार असून, इदाते यांनी मांडलेल्या ध्येयधोरणांच्या आधारे समाजाच्या प्रगतीचा आढावा घेतला जाणार आहे.

या परिषदेच्या आयोजनासाठी केरळ राज्य अध्यक्ष लेथिकल के. एस., सरचिटणीस डॉ. निधेश कुमार, राष्ट्रीय कार्यकारिणी सदस्य के. अशोक आणि कार्यक्रम समन्वयक रामचंद्रन सी. के. हे परिश्रम घेत आहेत.

इदाते यांच्या अनुभवाचा आणि मार्गदर्शनाचा लाभ घेण्यासाठी केरळमधील विमुक्त व घुमंतू समाजातील जास्तीत जास्त प्रतिनिधींनी या बैठकीला उपस्थित राहावे, असे आवाहन आयोजन समितीने केले आहे.

Bhiku Ramji Idate, DNT, Kerala, my kokan, Nomadic Tribes, NT, Rajendra Vishwanath Arlekar, Social Development, Thiruvananthapuram

Updated: 30 Mar 2026 4:04 AM

माय कोकण टीम

Similar Posts

View All

Leave a Reply

Your email address will not be published. Required fields are marked *