दापोली : आज बुधवार, ९ जुलै २०२५ रोजी महाराष्ट्र नवनिर्माण सेना (मनसे) दापोलीतर्फे पक्षाचे नेते प्रकाश महाजन यांचे दापोली नगरीत आगमन झाल्यावर जंगी स्वागत व सत्कार करण्यात आला.
या प्रसंगी मनसे कार्यकर्त्यांनी उत्साहपूर्ण वातावरणात त्यांचे स्वागत केले. कार्यक्रमात जिल्हासचिव व नगरसेवक सचिन गायकवाड, तालुकाध्यक्ष नितीन साठे, मनविसे तालुकाध्यक्ष शुभम शिंदे, उपशहराध्यक्ष दत्तकुमार गायकवाड, शाखाध्यक्ष साहिल पठाण, सिद्धार्थ शिगवण, भाई पोवार यांच्यासह अनेक मनसे पदाधिकारी व कार्यकर्ते उपस्थित होते.
या स्वागत समारंभात मनसे कार्यकर्त्यांनी प्रकाश महाजन यांच्याशी पक्षाच्या स्थानिक पातळीवरील कार्याची माहिती घेतली व भविष्यातील राजकीय रणनीतीवर चर्चा केली.
दापोलीतील स्थानिक प्रश्न आणि विकासाच्या संधी यावरही या भेटीत सविस्तर चर्चा झाली.
कार्यकर्त्यांनी महाजन यांचे पक्षासाठी योगदान आणि नेतृत्वाबद्दल कौतुक केले.
या कार्यक्रमाने दापोलीतील मनसे कार्यकर्त्यांमध्ये नवचैतन्य निर्माण झाले असून, स्थानिक पातळीवर पक्षाची ताकद वाढवण्याचा निर्धार व्यक्त करण्यात आला.
Leave a Reply