शनिवार, २१ नोव्हेंबर २०२६ f ◎ 𝕏 ▶

दुष्काळामुळे कोमसापचे १८ वे साहित्य संमेलन पुढे ढकलले

दुष्काळामुळे कोमसापचे १८ वे साहित्य संमेलन पुढे ढकलले

रत्नागिरी : राज्यातील भीषण दुष्काळी परिस्थितीच्या पार्श्वभूमीवर कोकण मराठी साहित्य परिषदेचे (कोमसाप) १८ वे साहित्य संमेलन आणि पुरस्कार वितरण सोहळा पुढे ढकलण्याचा निर्णय घेण्यात आला आहे. हे संमेलन २७ ते २९ नोव्हेंबर दरम्यान मालगुंड येथील कवी केशवसुत स्मारक येथे पार पडणार होते.

मात्र, आता वाङ्मयीन पुरस्कारांचे वितरण मुंबई किंवा ठाण्यात करण्यात येणार असल्याची माहिती कोमसापच्या केंद्रीय अध्यक्षा नमिता कीर आणि कार्याध्यक्ष प्रदीप ढवळ यांनी रत्नागिरीतील शासकीय विश्रामगृहात आयोजित पत्रकार परिषदेत दिली.

या पत्रकार परिषदेला कोमसापचे कार्यवाह माधव अंकलगे, १८ व्या संमेलनाचे कार्याध्यक्ष अभिजित हेगशेट्ये, कवी केशवसुत स्मारक व्यवस्थापन समितीचे अध्यक्ष गजानन ऊर्फ आबा पाटील, युवा समितीचे अरुण मोर्ये आणि जिल्हा सचिव मुश्ताक खान उपस्थित होते.

कोमसापचे विश्वस्त आणि जिल्ह्याचे पालकमंत्री उदय सामंत यांच्याशी झालेल्या चर्चेनंतर संमेलन लांबणीवर टाकण्यावर शिक्कामोर्तब करण्यात आले. संमेलनाची जय्यत तयारी सुरू होती, परंतु महाराष्ट्रातील १९७२ नंतरच्या या अत्यंत भीषण दुष्काळाचे गांभीर्य ओळखून हा संवेदनशील निर्णय घेण्यात आला आहे. राज्यात ४०० हून अधिक तालुके दुष्काळग्रस्त असून विदर्भ आणि मराठवाड्यासह कोकणातही पाणी, चारा आणि अन्नाची मोठी टंचाई निर्माण झाली आहे. अशा विदारक परिस्थितीत संमेलन घेणे संयुक्तिक नसल्याचे नमिता कीर यांनी स्पष्ट केले.

राज्याची परिस्थिती निवळल्यानंतरच संमेलनाचे आयोजन केले जाईल, तसेच वाङ्मयीन पुरस्कार वितरण सोहळ्याची नवीन तारीख मधुमंगेश कर्णिक यांच्याशी चर्चा करून लवकरच जाहीर केली जाणार आहे.

komasap, Maharashtra drought, Malgund, marathi literature, Namita Keer, ratnagiri, sahitya sammelan, uday samant

माय कोकण टीम

Similar Posts

View All

Leave a Reply

Your email address will not be published. Required fields are marked *