युट्युबवर प्रदर्शित; सात मिनिटांच्या शॉर्ट फिल्म भरभरून प्रतिसाद
रत्नागिरी
न्यु एरा प्रोडक्शन्स आणि मराठी रंगभूमी, रत्नागिरी यांनी तयार केलेली ‘नवी सुरुवात’ ही शॉर्ट फिल्म नुकतीच यु ट्युब वर प्रदर्शित झाली आहे. कोरोनाच्या काळात नात्यांमधील आपुलकीचा संदेश देणाऱ्या या शॉर्ट फिल्मला यु ट्यूबवर चांगलाच प्रतिसाद मिळत आहे. रत्नागिरीतील स्थानिक कलाकारांनी एकत्र येत या शॉर्ट फिल्मची निर्मिती केली आहे.
- … अन्यथा तिच परिस्थिती परत येऊ शकते – डॉ. वणू
- … तर आमरण उपोषण करणार – बंटी वणजू
- … तर कोरोनाची लाट नव्हे लाटा येतील – डॉ. संजय ओक
‘नवी सुरुवात’ या शॉर्ट फिल्मचे लेखन स्वानंद मयेकर आणि प्रशांत पवार यांनी केले असून दिग्दर्शनाची जबाबदारी ओंकार पाटील यांनी सांभाळली आहे.
कोरोनाचं दु:ख विसरून आता हळूहळू सगळे आपापल्या कामाला लागत आहेत. मात्र या लॉकडाउनच्या काळात तयार झालेली आपुलकीची भावना यापुढेही तशीच जोपासण्याचा संदेश या शॉर्ट फिल्मच्या मध्यमातून देण्यात आला आहे.
७ मिनिटांच्या या शॉर्ट फिल्मचे कला दिग्दर्शन प्रवीण धुमक, छायांकन प्रसाद राणे यांनी तर पार्श्वसंगीत निखिल भुते यांनी केले आहे. या शॉर्टफिल्ममध्ये रत्नागिरीतील प्रसिद्ध कलाकार अजित पाटील यांच्यासोबत सागर मायंगडे, स्वानंद मयेकर , सिद्धी लांजेकर, स्मितल चव्हाण त्याच बरोबर आयुश शिरसाठ आणि आर्या धुमक या बाल कलाकारांनी अभिनय केला आहे.
अल्फोनसो प्रोडक्शन या यु ट्युब चॅनेलवर नुकतीच ही शॉर्ट फिल्म प्रसिद्ध करण्यात आली असून ही शॉर्ट फिल्म रत्नागिरी येथील बसणी गावात चित्रीत झाली आहे. विजय गुरव, संतोष गार्डी आणि दुर्वेश सागवेकर यांचे मोलाचे सहकार्यही लाभले आहे.