काेराेनामुळे मृत्यू झालेल्या रत्नागिरी जिल्हा मध्यवर्ती सहकारी बँकेतील कर्मचाऱ्यांच्या वारसांना ५ लाखांची आर्थिक मदत

काेराेनामुळे मृत्यू झालेल्या रत्नागिरी जिल्हा मध्यवर्ती सहकारी बँकेतील कर्मचाऱ्यांच्या वारसांना ५ लाखांची आर्थिक मदत देण्यात आली. लांजा आणि संगमेश्वर येथील दाेन कर्मचाऱ्यांचा काेराेनामुळे मृत्यू झाला असून, त्यांच्या वारसांना ही मदत देण्यात आली.
बँकिंग सेवा ही अत्यावश्यक सेवा असल्यामुळे कोविड-१९चे संक्रमण काळात सुरुवातीपासून लॉकडाऊनमध्येही बँकेचे अधिकारी व कर्मचारी बँकेच्या ग्राहकांना अखंडपणे अविरत सेवा पुरवित आहेत. बँकेचे कर्मचारी व प्राथमिक शेती संस्थांचे सचिव सातत्याने बँकेच्या कर्ज वसुलीसाठी प्रयत्न करीत आहेत. या सर्व बाबींचा विचार करून कोविड-१९च्या प्रादुर्भावाने बँक कर्मचारी व शेती संस्थांचे सचिव यांचे निधन झाल्यास त्यांच्या वारसांना आर्थिक मदत देण्याचा निर्णय बँकेचे अध्यक्ष डॉ. तानाजीराव चोरगे यांच्या अध्यक्षतेखाली झालेल्या संचालक मंडळाच्या सभेमध्ये घेण्यात आला हाेता.