दापोली-मंडणगड रस्त्यावरील येथील अपघातात महिला जखमी

दापोली:- दापोली-मंडणगड रस्त्यावरील खेर्डी येथे चारचाकी व दुचाकी यांच्यात झालेल्या अपघातात एक महिला जखमी झाल्याची घटना घडली आहे. भास्कर कृष्णाजी बेलोसे (६७, रा. पालगड बेलोसेवाडी) हे आपल्या दुचाकी क्र. एम.एच. ०८ एएक्स २५३७ ने पालगडकडे जात होते. ही दुचाकी खेर्डी पांढरीची वाडी येथील रस्त्यावर आली असता दुचाकीला ओव्हरटेक करीत असताना मागून येणार्‍या चारचाकी क्र. एम.एच. ०२ एवाय २५७५ हिने ठोकरले. यामध्ये दुचाकीवरील सुरेखा भास्कर बेलोसे या दुचाकीवरून पडून जखमी झाल्या. या अपघाताची नोंद दापोली पोलीस ठाण्यात करण्यात आली असून अधिक तपास दापोली पोलीस करीत आहेत.