दापोली तालुक्यातील शिवनारी गावातील सुतारवाडीमध्ये चोरीची घटना घडली आहे. अज्ञात चोरट्याने गॅस सिलेंडर, तेलाचा डबा, इस्त्री आणि टीव्हीवर डल्ला मारला आहे. या प्रकरणी पोलीसांनी गुन्हा दाखल केला आहे.
या बाबत सविस्तर माहिती अशी की, फिर्यादी नंदकुमार पाटील यांच्या घराची देखभाल करणारे चंद्रकांत गावडे हे साफसफाई करण्यासाठी गेले होते. ते घराच्या दरवाज्याचं कुलुप उघडून घरात गेले असता चंद्रकांत काशिराम गावडे यांना घरातील सामान अस्ताव्यस्त पडलेले दिसून आले. त्यांनी घराची पाहणी केली असता घरातील बाथरुमच्या खिडकिची जाळी तोडून बाथरुमचा दरवाजा तोडून कोणीतरी अज्ञात चोरट्याने त्यावाटे घरात प्रवेश केल्याचं त्यांच्या लक्षात आलं.
यावेळी २,०००/- रु. किंततीचा सॅमसंग कंपनीचा एल.सी.डी. टिव्ही, ७५०/-रु. किंमतीचा एच.पी. चा गॅस सिलेंडर, ५००/ रु. किंमतीची इस्त्री, ९००/-रु. किंमतीच जेमिनी कंपनीचा तेलाचा डबा चोरीला गेल्याचं त्यांना कळलं. ही चोरी दि.२२/०८/२०२१ रोजी १९.०० ते दि.२६/०८/२०२१ रोजी १८.३० वा. च्या दरम्यान घडली आहे.
घरातील 4150 रूपये किंमतीचा माल लबाडीचे इराद्याने स्वतःचे फायद्याकरिता चोरुन नेला म्हणुन अज्ञाता विरोधात पोलीसांनी गुन्हा दाखल केला आहे. दापोली पोलीस या प्रकरणी अधिक तपास करत आहेत.
