बुधवार, १८ नोव्हेंबर २०२६ f ◎ 𝕏 ▶

दापोली अर्बन बँकेचे वरिष्ठ लिपिक संजय शिंदे सेवानिवृत्त; सफाई कामगार ते वरिष्ठ लिपिक पदापर्यंतचा प्रेरणादायी प्रवास

दापोली अर्बन बँकेचे वरिष्ठ लिपिक संजय शिंदे सेवानिवृत्त; सफाई कामगार ते वरिष्ठ लिपिक पदापर्यंतचा प्रेरणादायी प्रवास

दापोली : दापोली अर्बन बँकेचे वरिष्ठ लिपिक संजय वसंत शिंदे हे ३६ वर्षांच्या प्रदीर्घ आणि उल्लेखनीय सेवेनंतर नुकतेच सेवानिवृत्त झाले. आपल्या सेवाकाळात त्यांनी दापोली, खेड, केळशी व मंडणगड या ठिकाणी विविध जबाबदाऱ्या अत्यंत प्रामाणिकपणे आणि कर्तव्यनिष्ठेने पार पाडल्या.

संजय अनंत शिंदे यांनी आपल्या सेवाकाळाची सुरुवात बँकेत सफाई कामगार म्हणून केली होती. प्रतिकूल परिस्थितीतही त्यांनी मेहनत, चिकाटी आणि प्रामाणिकपणा या गुणांच्या जोरावर आपल्या कार्यक्षेत्रात सातत्याने प्रगती केली.

त्यांच्या या उल्लेखनीय कामाची दखल घेत त्यांना २००४ मध्ये कॅशियर पदावर पदोन्नती देण्यात आली. त्यानंतर त्यांनी कॅशियर तसेच वरिष्ठ लिपिक म्हणून बँकेच्या कामकाजात महत्त्वपूर्ण जबाबदाऱ्या यशस्वीपणे सांभाळल्या.

दापोली अर्बन बँकेच्या दापोली, खेड, केळशी आणि मंडणगड या शाखांमध्ये सेवा बजावताना त्यांनी ग्राहकांना उत्कृष्ट सेवा देण्यावर नेहमीच भर दिला.

आर्थिक व्यवहारांमधील अचूकता, कामातील शिस्त, वेळेचे अचूक नियोजन आणि कर्तव्याप्रती असलेली प्रखर निष्ठा यामुळे त्यांनी सर्व सहकारी अधिकारी व कर्मचाऱ्यांचा मोठा विश्वास संपादन केला. शांत, संयमी आणि प्रेमळ स्वभाव ही त्यांची विशेष ओळख राहिली.

बँकेत येणाऱ्या ग्राहकांशी आपुलकीने व नम्रतेने संवाद साधणे, त्यांच्या अडचणी समजून घेणे आणि शक्य तेवढी मदत करण्याचा प्रामाणिक प्रयत्न करणे हा त्यांच्या कामाचा विशेष गुण होता. यामुळे ग्राहकांमध्येही त्यांच्याबद्दल प्रचंड विश्वास व आपुलकीची भावना निर्माण झाली होती.

सफाई कामगार म्हणून सेवेला सुरुवात करून कॅशियर आणि त्यानंतर थेट वरिष्ठ लिपिक पदापर्यंतचा त्यांचा हा खडतर प्रवास त्यांच्या मेहनतीची, प्रामाणिकपणाची आणि कर्तृत्वाची साक्ष देणारा आहे.

त्यांनी आपल्या प्रदीर्घ सेवेत बँकेच्या कामकाजात दिलेले योगदान निश्चितच उल्लेखनीय असून, त्यांच्या सेवाकाळातील आठवणी सहकारी व ग्राहकांच्या कायम स्मरणात राहतील.

सेवानिवृत्तीनंतरच्या पुढील आयुष्यासाठी संजय वसंत शिंदे यांना बँकेतील अधिकारी, कर्मचारी, मित्रपरिवार आणि ग्राहकांकडून मनःपूर्वक शुभेच्छा देण्यात आल्या. त्यांना उत्तम आरोग्य, आनंदी व सुखी निवृत्त जीवन लाभावे, अशी सदिच्छा व्यक्त करण्यात आली.

dapoli news, dapoli urban bank, Inspiring Journey, Maharashtra News, Sanjay Anant Shinde, Sanjay Vasant Shinde, Senior Clerk Retirement, Sweeper to Clerk

माय कोकण टीम

Similar Posts

View All

Leave a Reply

Your email address will not be published. Required fields are marked *