डॉ. बाबासाहेब आंबेडकर महापरिनिर्वाण दिन
रत्नागिरी : भारतरत्न डॉ. बाबासाहेब आंबेडकर यांच्या महापरिनिर्वाण दिनी 06 डिसेंबर 2021 रोजी त्यांचे मुळ गाव असणाऱ्या मंडणगड तालुक्यातील आंबडवे यथे मुख्य सोहळा होणार आहे. याला प्रधानमंत्री नरेंद्र मोदी दूरदृश्य प्रणालीद्वारे उपस्थित राहणार आहेत.
या कार्यक्रमाच्या पूर्वतयारी बाबत जिल्हाधिकारी डॉ. बी. एन. पाटील यांनी आज एका बैठकीत आढावा घेतला.
या कार्यक्रमाच्या आयोजनाबाबत सर्व संबंधित विभागांचे अधिकारी या बैठकीस उपस्थित होते. या ठिकाणी मोठया प्रमाणावर नागरिक महापरिनिर्वाण दिनी येत असतात.
या पार्श्वभूमीवर यंदा होणारं आयोजन व मुख्य सोहळा याबाबत बैठकीत चर्चा झाली.