कोव्हॅक्सिन कोरोनाविरुद्धच्या लढाईत महत्त्वपूर्ण भूमिका बजावत आहे. मात्र तरी जागतिक आरोग्य संघटनेकडून आपत्कालीन सूचीत स्थान मिळालेले नाही. दरम्यान येत्या ४ ते ६ आठवड्यात यावर निर्णय होईल, असे जागतिक आरोग्य संघटनेच्या मुख्य शास्त्रज्ञ सौम्या स्वामिनाथन यांनी स्पष्ट केले आहे. सेंटर फॉर सायन्स अँड इन्वायरमेंटने आयोजित केलेल्या वेबिनारमध्ये त्यांनी याबाबत सांगितले.
कोरोना लस निर्मिती करणाऱ्या भारत बायोटेक इंटरनॅशनल लिमिटेडने कोव्हॅक्सिनबाबत ९० टक्के दस्ताऐवज जागतिक आरोग्य संघटनेकडे जमा केले आहेत. व्हॅक्सिनचे निर्माते भारत बायोटेक याबाबतची सर्व आकडेवारी जागतिक आरोग्य संघटनेच्या पोर्टलवर अपलोड करत आहे. तसेच जागतिक आरोग्य संघटना याचे परीक्षण करत असल्याचे त्यांनी सांगितले.
अमेरिका, कॅनडा, ऑस्ट्रेलिया, आयर्लंड आणि यूरोपियन यूनियनने अजूनही कोव्हॅक्सिनला आतत्कालीन मंजुरी दिलेली नाही. त्यामुळे त्यांनी भारत बायोटेककडून आणखी माहिती मागवली आहे। “तिसऱ्या टप्प्यातील परीक्षण सुरु आहे. यासाठी सर्व आकडेवारी डब्ल्यूएचओच्या नियामक विभागाकडे जमा करावी लागते. त्यावर तज्ज्ञ समिती आपला अध्ययन करत असते. त्यात सुरक्षा, प्रभाव आणि उत्पादन गुणवत्तेकडे विशेष लक्ष दिलं जातं. भारत बायोटेकने याबाबतची प्रक्रिया पूर्ण केली आहे. आशा आहे की, येत्या चार ते सहा आठवड्यात कोव्हॅक्सिनला आपत्कालीन सूचीत स्थान मिळेल”, असे जागतिक आरोग्य संघटनेच्या मुख्य शास्त्रज्ञ सौम्या स्वामिनाथन यांनी सांगितले.
Leave a Reply