दापोली : जेसीआय दापोली तर्फे दापोली नगरपंचायतमध्ये कार्यरत असणार्या सफाई कर्मचार्यांचा ‘सॅल्युट द सायलेंट वर्कर्स’ या अंतर्गत सन्मान करण्यात आला.
कोरोना काळामध्ये कोविड योध्ये म्हणून अत्यंत महत्त्वाची भूमिका बजावुन दापोली शहरातील नागरिकांच्या आरोग्याची काळजी व शहराची स्वच्छता करणाऱ्या सफाई कामगारांचा सन्मान होणे हे ऊचित होते.
या वेळी दापोली नगरपंचायतमधील तब्बल ३६ कर्मचाऱ्यांचा सन्मान करण्यात आला. या सन्मानानंतर आमच्या कामाची दखल घेऊन जेसीआय दापोली या संस्थेने आम्हाला सन्मानित केल्याबद्दल आम्ही कृतज्ञ आहोत असे मत त्यांनी व्यक्त केले.
या प्रसंगी बोलताना नगराध्यक्षा परवीन शेख यांनी जेसीआय दापोली या संस्थेचे विशेष कौतुक केले. अनेक समाजपयोगी व शाश्वत उपक्रमांसाठी ही संस्था कटिबध्द असल्याचे मत त्यांनी व्यक्त केले.
या कार्यक्रमासाठी नगराध्यक्ष परवीन शेख, नगरसेवक डॉ शबनम मुकादम, जया साळवी, स्वच्छता निरीक्षक संदीप जाधव, जेसीआय दापोलीचे अध्यक्ष जेसी कुणाल मंडलिक, जेसी आशिष अमृते, जेसी डॉ सुयोग भागवत,जेसी भूषण इस्वलकर, जेसी रित्विक बापट, जेसी अतुल गोंदकर, जेसी फराज रखांगे, जेसी मयुरेश शेठ, जेसी प्रसाद दाभोळे उपस्थित होते.
या कार्यक्रमासाठी मुख्य कार्यकारी अधिकारी महादेव रोडगे यांचे विशेष सहकार्य लाभले.
