गुहागर पाचेरी आगार येथे विसर्जन मिरवणुकीत टेम्पो घुसला, दोघांचा मृत्यू तर पाच जखमी

गुहागर – पाचेरी आगार येथे गणपती विसर्जनासाठी निघालेल्या वाहनाचा अपघात झाल्याची घटना घडली. या दुर्घटनेत दोघांचा मृत्यू झाला तर पाच जण जखमी झाले आहेत.

पाचेरी आगर येथील भुवडवाडीतील गणपती विसर्जनासाठी जात असलेल्या वाहनाचा पाचेरी येथे अपघात झाला.

गाडीचा ब्रेक फेल झाल्याने ती थेट गणपती मिरवणुकीत घुसली. दीपक भुवड (वय 50) व कोमल भुवड (वय 17) या दोघांचा या अपघातात मृत्यू झाला. अपघातात दोन मुली व तीन महिला जखमी असून अधिक उपचारासाठी रत्नागिरी जिल्हा रुग्णालयात नेण्यात आले आहे.