संघ जाहीर ; राष्ट्रीय स्पर्धा २० पासून उस्मानाबादला
रत्नागिरी : उस्मानाबाद येथे २० ते २४ नोव्हेंबर या कालावधीत होणार्या ५५ व्या पुरुष-महिला राष्ट्रीय अजिंक्यपद स्पर्धेसाठी महाराष्ट्राचे दोन्ही संघ राज्य संघाचे सचिव अॅड. गोविंद शर्मा यांनी जाहीर केला. महिला संघामध्ये रत्नागिरी जिल्ह्याच्या अपेक्षा सुतार, आरती कांबळे, श्रेया सनगरे या तिघींचा समावेश आहे.
हिंगोली येथे झालेल्या राज्यस्तरीय पुरुष-महिला खो-खो स्पर्धेतून महाराष्ट्राच्या १५ जणांच्या संघाची निवड करण्यात आली. यासाठी राज्य खो-खो असोसिएशनने चार सदस्यीय निवड समिती नेमली होती. राज्य स्पर्धेत तिसरा क्रमांक मिळवणार्या रत्नागिरी जिल्ह्याच्या तिघांना राष्ट्रीय स्पर्धेसाठी महाराष्ट्र संघातून रत्नागिरी जिल्ह्याचे प्रतिनिधीत्व करण्याची संधी मिळाली आहे. राज्य स्पर्धेत चार सामन्यांमध्ये उत्कृष्ट कामगिरी केली. उपउपांत्य फेरीच्या सामन्यात तिघींनीही संघाला विजेतेपद मिळवून देण्यात महत्त्वाची भुमिका बजावली होती. राज्याच्या संघात निवडल्या गेलेल्या खेळाडूंचे माजी उपमुख्यमंत्री अजित पवार, राज्य संघटनेचे अध्यक्ष संजीव नाईक निंबाळकर, फेडरेशनचे सहसचिव डॉ. चंद्रजित जाधव, राज्याचे सचिव अॅड. गोविंद शर्मा, कार्याध्यक्ष सचिन गोडबोले, खजिनदार अॅड. अरुण देशमुख, संदिप तावडे, रत्नागिरी जिल्हा खो-खो असोसिएशनचे अध्यक्ष दत्तात्रय उर्फ बाळू साळवी, राष्ट्रीय प्रशिक्षक पंकज चवंडे, प्रशांत देवळेकर, विनोद मयेकर यांच्यासह जिल्हा खो-खो असोसिएशनच्या सर्व पदाधिकार्यांनी अभिनंदन करत शुभेच्छा दिल्या. सराव शिबिर उस्मानाबाद येथे खो-खो फेडरेशनचे सहसचिव डॉ. चंद्रजित जाधव यांच्या मार्गदर्शनाखाली गुरुवारपासून (ता. १०) सुरु झाले.
पुरुष संघ : अनिकेत पोटे, निहार दुबळे, अक्षय भांगरे, ॠषिकेश मुर्चावडे (मुंबई उपनगर), प्रतिक वाईकर, सुयश गरगटे, आदित्य गणपुले (पुणे), लक्ष्मण गवस, गजानन शेंगाळ (ठाणे), सुरज लांडे, अक्षय मासाळ (सांगली), रामजी कश्यप (सोलापूर), दिलीप खांडवी (नाशिक), सुरज शिंदे (हिंगोली), सनी नायकवडी (उस्मानाबाद). राखीव खेळाडू षभ वाघ (पुणे), अनिकेत चेंदवणकर (मुंबई उपनगर), वेदांत देसाई (मुंबई). प्रशिक्षक शिरीन गोडबोले (पुणे), व्यवस्थापक नरेंद्र रायलवार (हिंगोली), फिजीओ डॉ. किरण वाघ (अहमदनगर).
महिला संघ ः प्रियांका इंगळे, काजल भोर, स्नेहल जाधव, दिपाली राठोड (पुणे), रुपाली बडे, पूजा फरगडे, रेश्मा राठाडे (ठाणे), संपदा मोरे, अश्विनी शिंदे, गौरी शिंदे (उस्मानाबाद), अपेक्षा सुतार, श्रेया सनगरे, आरती कांबळे (रत्नागिरी), प्रतिक्षा बिराजदार (सांगली), प्रिती काळे (सोलापूर). राखीव खेळाडू ः सोनाली पवार (नाशिक), किरण शिंदे (उस्मानाबाद), स्नेहल चव्हाण (सांगली). प्रशिक्षक ः प्रविण बागल (उस्मानाबाद), व्यवस्थापिका सौ. माधुरी कोळी (ठाणे), सहाय्यक प्रशिक्षक सौ. प्राची वाईकर (पुणे)