मंडणगड: मंडणगड तालुक्यातील १५ ग्रामपंचायतीचा पोट निवडणुक कार्यक्रम १ डिसेंबर २०२१ पासून सुरु झाला आहे. ८ डिसेंबर २०२१ रोजी नामनिर्देशन पत्रे मागे घेण्याचा शेवटचा दिवस होता. तालुक्यातील ५ ग्रामपंचायत ६ जागा बिनविरोध झाल्या आहेत. तर तालुक्यातील दाभ़ट-१ जागा, पडवे २ जागा, तुळशी २ जागा, पिंपळोली १ जागा, भोळवली १ जागा बिनविरोध निवडुन आली आहे. तर मागास प्रवर्गांचे आरक्षण रद्द करण्यात आल्याने पडवे येथील १ व पाट येथील १ जागास स्थिगती देण्यात आल्याची माहीती निवडणुक शाखेकडून प्राप्त झाली आहे. दुधेरे- बाणघर ग्रामपंचायत प्रभाग क्रमांक १ मधील जागा, वाल्मिकीनगर ग्रामपंचायत प्रभाग क्रमांक १ मधील १ व प्रभाग क्रमांक ३ मधील १ जागाकरिता दिनांक २१ डिसेंबर रोजी निवडणुक होणार आहे. नामनिर्देशनपत्रे प्राप्त न झाल्याने दहागाव, विन्हे, मुरादपुर, उन्हवरे, बहिरवली, उमरोली, कादवण या ७ सात ग्रामपंचायतीमधील जागा रिक्त राहील्या आहेत
