रत्नागिरी (प्रतिनिधी) : राष्ट्रवादी युवक काँग्रेस महाराष्ट्र प्रदेश सचिव अ‍ॅड. बंटी वणजू यांची रत्नागिरी राष्ट्रवादी काँग्रेसच्या (अजित पवार गट) तालुकाध्यक्ष पदी निवड करण्यात आली आहे. ॲड. बंटी वणजू यांचं या निवडीबद्दल अभिनंदन होत आहे.
जनतेच्या न्याय्य हक्कासाठी ॲड. वणजू यांनी अनेक आंदोलले केली आहेत. लोकसभा निवडणुकीच्या पार्श्वभूमीवर त्यांची तालुकाध्यक्षपदी झालेली निवड ही त्यांनी केलेल्या जनतेच्या कामांची पोचपावतीच म्हणून पाहिलं जात आहे. रत्नागिरी जिल्ह्यातील तरुण तडफदार युवा नेते म्हणुन त्यांची ख्याती आहे.
अ‍ॅड. बंटी वणजू यांच्यावर राष्ट्रवादी काँग्रेस पार्टीच्या रत्नागिरी तालुक्याची जबाबदारी पक्षाचे राष्ट्रीय अध्यक्ष तथा महाराष्ट्र राज्याचे उपमुख्यमंत्री ना. अजित पवार, प्रदेशाध्यक्ष आणि रत्नागिरी रायगडचे खासदार सुनील तटकरे, आमदार आदिती तटकरे, चिपळूण – संगमेश्वर विधानसभा मतदार संघाचे आमदार शेखर निकम, विधानपरिषद आमदार अनिकेत तटकरे, प्रदेश सचिव बाप्पा सावंत, प्रदेश सरचिटणीस आणि सिंधु-रत्न समितीचे सदस्य तसेच प्रदेश सरचिटणीस अजित यशवंतराव, रत्नागिरी राष्ट्रवादी काँग्रेस (अजित पवार गट) जिल्हाध्यक्ष बाबाजी जाधव यांनी सोपविली आहे.
जिल्हाध्यक्ष बाबाजी जाधव यांनी अ‍ॅड. बंटी वणजू यांना तालुकाध्यक्ष पदाचं पत्र दिलं. यावेळी शाम्भवी वणजू, प्रदेश सचिव बाप्पा सावंत, सिंधु-रत्न समितीचे सदस्य तसेच प्रदेश सरचिटणीस अजित यशवंतराव, जिल्हा उपाध्यक्ष नारायण खोराटे, पप्पु तोडणकर, प्रणित चव्हाण, राकेश आंब्रे, नितीन रोडे, निलेश खोराटे आदी उपस्थित होते.
यावेळी नवनिर्वाचित तालुकाध्यक्ष अ‍ॅड. बंटी वणजू यांनी रत्नागिरी तालुक्याचीही कार्यकारिणी जाहीर केली. त्यामध्ये तालुका उपाध्यक्ष पप्पु तोडणकर, तालुका उपाध्यक्ष कैलास आडवीलकर, शहर अध्यक्ष मंदार नैकर, शहर कार्याध्यक्ष मुबीन शहा, शहर उपाध्यक्ष राकेश आंब्रे, महिला तालुका संध्या नाईक, महिला शहर अध्यक्ष प्रणिता कोतवडेकर, अल्पसंख्यांक तालुकाध्यक्ष ताजुद्दीन खलफे, अल्पसंख्यांक शहर अध्यक्ष राहील मुकादम, सरचिटणीस फारूक शहा, युवक विधानसभा क्षेत्राध्यक्ष निलेश खोराटे यांचा समावेश करण्यात आला आहे. या सर्व नवनियुक्त पदाधिकाऱ्यांनाही नियुक्तीचे पत्र देण्यात आले आहेत.
या पुढे भाजपा, शिवसेना (शिंदे गट) सोबत खांद्याला खांदा लावून काम करू आणि जो जनतेचे काम करणार नाही त्याला कैलासवासी आनंद दिघे साहेबांच्या स्टाईलने उत्तर देऊ आणि जनतेसाठी कायम रस्त्यावर उतरु आणि गाव तिथे राष्ट्रवादी काँग्रेस शाखा निर्माण करू.
अ‍ॅड. बंटी वणजू, नवनियुक्त तालुकाध्यक्ष