क्रीडा बातमी : भारतीय क्रिकेटमधील ‘रन मशीन’ म्हणून ओळखल्या जाणाऱ्या विराट कोहलीने आशिया चषक स्पर्धेतील पाकिस्तानविरुद्धच्या सामन्यात एकदिवसीय क्रिकेटमध्ये 14 हजार धावांचा महत्त्वपूर्ण टप्पा गाठला.
त्याने 287 सामन्यांमध्ये ही कामगिरी नोंदवली. या विक्रमामुळे तो एकदिवसीय क्रिकेटमध्ये 14 हजार धावा करणारा दुसरा भारतीय आणि जगातील तिसरा फलंदाज ठरला आहे.
याआधी, क्रिकेटचे ‘देव’ मानले जाणारे सचिन तेंडुलकर यांनी 350 डावांमध्ये तर श्रीलंकेचे दिग्गज फलंदाज कुमार संगकारा यांनी 378 डावांमध्ये हा विक्रम केला होता.
मात्र, विराटने या दोघांनाही मागे टाकत सर्वात जलद 14 हजार धावा करण्याचा विक्रम आपल्या नावावर केला.
विराट कोहलीने आपल्या एकदिवसीय कारकिर्दीत 58 च्या सरासरीने धावा केल्या आहेत.
यात 50 शतके आणि 65 अर्धशतकांचा समावेश आहे. त्याच्या नावावर अनेक मोठे विक्रम आहेत.
त्याची फलंदाजीची शैली आणि सातत्य त्याला इतर फलंदाजांपेक्षा वेगळे ठरवते.
या विक्रमामुळे त्याने आपल्या नावावर आणखी एक मानाचा तुरा रोवला आहे.
Leave a Reply