आतापर्यंत ११००० भारतीय युक्रेन मधुन मायदेशी

नवी दिल्ली: रशियाने युक्रेनविरुद्ध युद्ध पुकारल्यापासून केंद्र सरकारने ‘ऑपरेशन गंगा’अंतर्गत आतापर्यंत ११,००० भारतीयांना सुरक्षित परत आणले आहे. एअर एशियाच्या विमानाने दिल्लीला पोहोचलेल्या १७० नागरिकांचे स्वागत करण्यासाठी आलेले परराष्ट्र राज्यमंत्री व्ही. मुरलीधरन यांनी ही माहिती दिली. मुरलीधरनने त्याच्या ट्विटर अकाऊंटवर याबाबत एक ट्विट करण्यात आले आहे. त्यांनी लिहिले की, ‘युक्रेनमधून आतापर्यंत ११ हजार भारतीयांना बाहेर काढण्यात आले आहे. एअर एशिया इंडियाच्या माध्यमातून १७० भारतीयांच्या गटाला नवी दिल्ली विमानतळावर पाहून आनंद झाला.