रियाध: सौदी अरेबियामध्ये शुक्रवार, २९ शाबानच्या (28 फेब्रुवारी) संध्याकाळी चंद्र दिसल्यामुळे शनिवार, १ मार्चपासून रमजान महिन्याला सुरुवात होणार आहे. खलीज टाईम्सने दिलेल्या बातमीनुसार, सौदी अरेबिया सरकारने ही घोषणा केली आहे.
इस्लामिक चंद्र कॅलेंडरनुसार, रमजान महिन्याची सुरुवात चंद्र दिसल्यावर होते. इस्लामिक महिने २९ किंवा ३० दिवसांचे असतात, जे चंद्राच्या दिसण्यावर अवलंबून असते.
सौदी अरेबियातील मुस्लिमांना २९ शाबानला (शुक्रवार) चंद्र पाहण्याचे आवाहन करण्यात आले होते, जो इस्लामिक चंद्र कॅलेंडरचा महत्त्वाचा संकेत आहे.
चंद्र दिसल्यानंतर सौदी अरेबियाच्या अधिकाऱ्यांनी रमजान महिन्याची सुरुवात शनिवार, १ मार्चपासून झाल्याची घोषणा केली.
भारतामध्ये सौदी अरेबियाच्या दुसऱ्या दिवसापासून रमजानला सुरुवात होते. त्यामुळे भारतामध्ये रमजान महिना हा दोन मार्चपासून सुरू होणार आहे.
रमजान महिना मुस्लिमांसाठी अत्यंत पवित्र मानला जातो. या महिन्यात मुस्लिम लोक उपवास करतात, प्रार्थना करतात आणि दानधर्म करतात. रमजान महिन्याच्या शेवटी ईद-उल-फित्र हा सण साजरा केला जातो.
Leave a Reply