दापोली : अजिंक्य आधार सामाजिक संस्थेतर्फे दापोली येथील आझाद मैदानावर आयोजित जालगाव चॅलेंजर्स अजिंक्य सुधीर तलाठी स्मृती चषक 2 या तालुकास्तरीय क्रिकेट स्पर्धेचा अंतिम सामना रविवार, 23 फेब्रुवारी 2025 रोजी पार पडला.
तालुक्यातील 24 संघांनी सहभाग नोंदवलेल्या या स्पर्धेतील अंतिम सामन्यात दापोली इलेव्हनने भाटी इलेव्हनचा पराभव करून विजेतेपद पटकावले.
या स्पर्धेतील बक्षीस वितरण सोहळा माजी सभापती किशोर देसाई, माजी नगराध्यक्ष राजेंद्र पेठकर, गोपाळकृष्ण पतसंस्थेचे चेअरमन प्रसाद मेहता, उपाध्यक्ष व लायन्स क्लबचे अध्यक्ष अतुल मेहता, दापोली मंडणगड गुजर समाज मंडळाच्या अध्यक्षा सरोज मेहता, संतोषभाई मेहता फाउंडेशनचे अध्यक्ष सुजय मेहता, सुयोग मेहता, चेतन जैन, रविंद्र गांधी, डी. आर. तलाठी, अमोद बुटाला, सुभाष पटेल, दीपक सोनवणे, संदीप तलाठी, सुधीर तलाठी यांसारख्या मान्यवरांच्या उपस्थितीत पार पडला.
स्पर्धेतील विजेत्यांना आकर्षक चषक आणि रोख बक्षिसे देऊन गौरविण्यात आले.
वैयक्तिक कामगिरीसाठी पुढील खेळाडूंना सन्मानित करण्यात आले:
- उत्कृष्ट फलंदाज: सौरभ नाटेकर
- उत्कृष्ट गोलंदाज: मुसद्दीक फकी
- उत्कृष्ट क्षेत्ररक्षक: जतिन साळगावकर
- मालिकावीर: अमय पालकर
स्पर्धा यशस्वी करण्यासाठी योगदान दिलेल्या सर्व प्रायोजकांचे, सहभागी संघांचे आणि क्रिकेट रसिकांचे संगीता सुधीर तलाठी आणि त्यांच्या परिवाराने आभार मानले.
या स्पर्धेनं दापोलीतील क्रिकेट प्रेमींमध्ये उत्साह निर्माण केला आणि स्थानिक खेळाडूंना आपली प्रतिभा दाखवण्याची संधी दिली.
Leave a Reply