LPG Cylinder Price Hike : एलपीजी गॅसची किंमत वाढल्यामुळे आता सर्वसामान्यांच्या खिशावर ताण वाढणार आणि गृहिणींचे आर्थिक बजेट कोलमडणार आहे. एलपीजी गॅस सिलेंडरच्या दरामध्ये 50 रुपयांनी वाढ झाली असून हे दर आजपासून संपूर्ण देशभरामध्ये लागू करण्यात आले आहेत.
LPG Cylinder Price Hike :
सततच्या वाढत्या महागाईमुळे सर्वसामान्य जनता मेटाकुटीला आली आहे. आधीच महागाईने हैराण झालेल्या सामान्यांना आणखी एक झटका बसला आहे. महागाईचा फटका पुन्हा एकदा स्वयंपाक घराला बसला आहे. घरगुती एलपीजी गॅस सिलेंडरच्या दरात (LPG Cylinder Price) 50 रुपयांनी वाढ झाली आहे.
आजपासून 14.2 किलोच्या घरगुती एलपीजी गॅस सिलेंडरच्या किंमतीत (Domestic LPG Cylinder) 50 रुपयांनी वाढ करण्यात आली आहे. घरगुती एलपीजी गॅस सिलेंडरची नवीन किंमत आता प्रति सिलेंडर 1063.50 रुपये असणार आहे.