रत्नागिरी जिल्ह्यात दिवसभरात 13 कोरोना रूग्ण, 2 मृत्यू

रत्नागिरीः- शनिवारी आलेल्या अहवालानुसार जिल्ह्यात 13 नवीन पॉझिटिव्ह रुग्ण सापडले आहेत तर मागील 24 तासात जिल्ह्यात कोरोनाने 2 मृत्यू झाले आहेत.

जिल्ह्यात 24 तासात 37 रुग्ण उपचाराअंती कोरोनामुक्त झाले असून आतापर्यंत 75 हजार 879 रुग्ण उपचाराअंती बरे झाले आहेत. जिल्ह्यात कोरोनामुक्तीचे प्रमाण वाढून 96.52 टक्के आहे. नव्याने 13 पॉझिटिव्ह रुग्ण सापडल्याने एकूण बाधित रुग्णसंख्या 78 हजार 615 इतकी झाली आहे.

मागील 24 तासात जिल्ह्यात कोरोनाने 2 रुग्णाचा मृत्यू झाला आहे. जिल्ह्यात आतापर्यंत 2 हजार 453 जणांचा कोरोनाने मृत्यू झाला आहे. जिल्ह्याचा मृत्युदर 3.12 टक्के आहे. जिल्ह्यात गृह विलीगिकरणात 173 रुग्ण उपचार घेत आहेत.